頁:
[1]
視帝王浩信怕傳緋聞 迴避江嘉敏
視帝王浩信怕傳緋聞 迴避江嘉敏宅男女神江嘉敏(Kaman)喺新劇《兄弟》升呢做女一，同男主角王浩信有唔少對手戲，但近日有報道指Kaman喺英國拍《兄弟》外景期間，主動姣黐人夫王浩信，即使返港後都頻頻主動聯絡男方。緋聞傳出後，視帝兼人夫王浩信依家見到江嘉敏表現好避忌，放飯連眼尾都唔敢望對方一眼！撰文：東方新地｜圖片來源：新傳媒圖片庫江嘉敏開朗又玩得，喺新劇《兄》中，佢更一改清純形象，不再演乖乖女，飾演保鑣的她要郁手郁腳拍打戲，又要揸槍，動作戲多多！睇番當日《兄弟》開鏡拜神時，佢同王浩信都仲敢合照搞氣氛！王浩信有家室又係大台視帝，拍劇同上位小花江嘉敏傳緋聞，王浩信依家對伊人都避之則吉！
視帝王浩信家有嬌妻陳自瑤，連個女都就嚟六歲大，緋聞一樣長傳長有，今次同江嘉敏傳緋聞，陳自瑤回應話：「傳到麻木咗，會相信老公！」
有傳英國拍外景期間，江嘉敏姣上視帝王浩信，經常主動獻殷勤，買咖啡都只預對方！
有緋聞傳出，王浩信即時學識避忌，開完廠同枱食飯都唔敢望劇中女友江嘉敏。前排開廠放飯，全組人拉隊去canteen開飯，坐埋一圍仲要喺正隔離，人夫王浩信都係目不斜視眼裡只係得碗飯，九秒九扒完碗飯就走先。雖然明明最多對手係江嘉敏，不過怕咗再傳緋聞，亦怕咗有人過分熱情，望都冇望江嘉敏一眼。
其實成組人開飯時有傾有講氣氛融洽，唯獨王浩信成口飯，莫講話溝通，連望都冇望江嘉敏一眼。
九秒九扒完碗飯，九秒九企起身著褸走人，無謂畀人入到位呀嘛！相反江嘉敏望到王浩信實一實！
第二日去到中環碼頭，又係開《兄弟》，對手戲換轉班兄弟當然唔使再避忌，唔食煙，王浩信都要黐埋煲緊煙的楊明同許家傑呃水吹。
其實新科視帝係怕緋聞啫，絕對唔係孤獨精，隔兩日開外景，冇咗江嘉敏喺身邊，成個人當堂放鬆曬，明明唔食煙，唔使埋位時都有黐住煲緊煙的揚明呃水吹。返屋企惹到煙味，幾時都易解釋過惹到女人香水味呀嘛！
視帝即係視帝，對自己演出要求係高啲，等緊埋位時，王浩信一個人對住空氣口嗡嗡練拳唸對白，果然專業。
食飯跟實王浩信睇番早前江嘉敏同王浩信在TVB西餐廳拍攝新劇《兄弟》，戲裡戲外江嘉敏都好熱情主動，拍完一個shot，就表情多多不停撩拍檔傾偈。另一日外景，江嘉敏亦一有機會就撩男方傾偈，反而王浩信表現避忌。
電crew佬江嘉敏年紀輕輕其實非常識撈，成功冧掂一班幕後。上至監製、Camera man、打燈佬、PA大家都對佢特別照顧，出道咁短日子就咁襟撈，真係叻女嚟！
除咗姣視帝王浩信，江嘉敏其實亦非常識撈，嗲功又了得，成功冧掂一班幕後。
...<div class='locked'><em>瀏覽完整內容，請先 <a href='member.php?mod=register'>註冊</a> 或 <a href='javascript:;' onclick="lsSubmit()">登入會員</a></em></div><div></div> 視帝王浩信怕傳緋聞 迴避江嘉敏 好像非常有趣 共實王浩信的太太也十分漂亮呢，若我是他必定很珍惜這妻子，而且他們還有一位可愛女兒，千萬不要放棄大好家庭。 江嘉敏真是賤人...明知道人家有老婆
還跑去做小三
頁:
[1]